ՀՏՀ
ՀՏՀ – (Հաճախ տրվող հարցեր)
Ունե՞ս հարցեր — այստեղ կգտնես պատասխաններ
Քանի՞ հանդիպում է անհրաժեշտ։
Տևողությունը կախված է խնդրի բնույթից և խորությունից։ Սովորաբար 3–4 հանդիպումից հետո մարդիկ սկսում են նկատել գործընթացի ազդեցությունը։ Ամենապարզ խնդիրների դեպքում հաճախ պահանջվում է առնվազն 10–12 հանդիպում, իսկ ավելի խորքային թեմաների դեպքում՝ ավելի երկարատև աշխատանք։ Տևողությունն ու ավարտը որոշվում են համատեղ՝ մասնագետի և այցելուի միջև։
Ի՞նչ է «հայցը» և ինչո՞ւ է կարևոր։
Հայցը այն խնդիրն է և ակնկալիքը, որով դիմում եք թերապիայի։ Այն ձևակերպվում է առաջին հանդիպման ընթացքում և դառնում է աշխատանքի հիմքը։ Գործընթացում հայցը կարող է հստակեցվել կամ փոփոխվել՝ նոր գիտակցումների և աճի արդյունքում։
Արդյո՞ք պահպանվում է գաղտնիությունը։
Այո։ Այցելուի անձի, այցելության և տրամադրված տեղեկությունների գաղտնիությունը պարտադիր է և պաշտպանվում է օրենքով։ Գաղտնիությունը կարող է խախտվել միայն բացառիկ դեպքերում՝ երբ առկա է իրական վտանգ ինքն իրեն կամ ուրիշին վնաս պատճառելու մասին։
Օնլայն թերապիան նույնքան արդյունավետ է՞։
Շատ դեպքերում՝ այո։ Օնլայն ձևաչափը փոխում է միայն հանդիպման ձևը, ոչ աշխատանքի էությունը։ Արդյունավետության համար կարևոր է ապահով տեխնիկական կապը, անձնական տարածքը և կանոնավոր մասնակցությունը։
Կարո՞ղ եմ փոխել մասնագետին, եթե չզգամ համապատասխանություն։
Այո։ Թերապևտիկ դաշինքը (վստահելի համագործակցային կապը) կարևոր գործոն է արդյունավետության համար։ Եթե զգում եք, որ համապատասխանություն չկա, հնարավոր է քննարկել այլ մասնագետի հետ աշխատելու տարբերակը։
Ինչպե՞ս է կատարվում վճարումը։
Վճարումը վերաբերում է ամբողջ մասնագիտական գործընթացին՝ ոչ միայն հանդիպման մեկ ժամին։ Այն ներառում է նաև հանդիպումից դուրս կատարվող մասնագիտական աշխատանքը՝ գրառումներ, վերլուծություն և անհրաժեշտության դեպքում սուպերվիզիա։
Ի՞նչ անել դժգոհության կամ հարցերի դեպքում։
Ցանկացած կասկած, հարց կամ դժգոհություն կարելի և խորհուրդ է տրվում քննարկել մասնագետի հետ։ Եթե քննարկումը բավարար չլինի, հնարավոր է դիմել կենտրոնի ղեկավարությանը։ Հետադարձ կապը մեզ համար կարևոր է։