Առցանց հոգեթերապիան հոգեբանական աջակցություն է, որն իրականացվում է հեռավար հարթակների միջոցով՝ ապահովելով այցելուներին հնարավորություն ստանալ մասնագիտական օգնություն՝ իրենց գտնվելու վայրից անկախ։ Այն նույն նպատակներն ունի, ինչ առերես հանդիպումները՝ հոգեկան առողջության պահպանություն, հուզական կայունության ձևավորում և անձնական զարգացման աջակցություն։
Աշխատանքը իրականացվում է տեսազանգերի, մասնագիտական ծրագրերի և վիդեո կամ աուդիո միջոցների միջոցով։ Հոգեթերապևտը ուղեկցում է այցելուին, իրականացնում հոգեթերապևտիկ աշխատանք՝ վերլուծելով հույզերը, վարքը և մտավոր գործընթացները, առաջարկում է հոգեկրթական նյութեր և աջակցում ինքնակարգավորմանը։
Առցանց ձևաչափը ապահովում է անհատական հանդիպումներ կամ խմբային աշխատանքներ, որոնք կազմակերպվում են նախապես պայմանավորված ժամանակացույցով։ Այցելուն պետք է ընտրի հանգիստ, անձնական և անվտանգ միջավայր, որտեղ կարող է ազատորեն արտահայտվել։
Աշխատանքի ընթացքում հնարավոր է, որ այցելուի հուզական արձագանքները ժամանակավորապես սրվեն, ինչը բնական փուլ է և վերամշակվում է հաջորդ հանդիպումների ընթացքում։ Մասնագետը պահպանում է վստահություն, գաղտնիություն և ստեղծում անվտանգ միջավայր՝ նույնիսկ հեռավոր աշխատանքի դեպքում։
Առցանց հոգեթերապիայի տևողությունն ու հաճախականությունը կախված են այցելուի խնդիրներից, նպատակներից և ներգրավվածությունից։ Փոփոխությունները հաճախ նկատելի են մի քանի հանդիպումից հետո, իսկ կայուն արդյունքների համար պահանջվում է հետևողական և նպատակային աշխատանք։ Այս ձևաչափը հնարավորություն է տալիս հոգեբանական աջակցության հասանելիություն ապահովել առավել ճկուն, ժամանակակից և արդյունավետ ձևով՝ պահպանելով վստահելիությունն ու մասնագիտական չափանիշները։